Құрметті әріптестер! Қуанышты хабар!
«Мәдениет туралы» Қазақстан Республикасының Заңына өзгерістер мен толықтырулар енгізу туралы» ҚР Заңы кабылданды.
Онда басылымның міндетті тегін данасы туралы толықтырулар енгізілді. Заңның 1-бабының 1-тармақшасына сәйкес республика Ұлттық кітапханалары барлық басылымдардың міндетті данасын тегін алатын болады.
Қазақстан кітапханаларының қызметіне қатысты т.б. толықтырулар мен өзгерістер енгізілді:
- облыстың, республикалық маңызы бар қаланың, астананың мемлекеттік кітапханаларының біріне «Орталық» мәртебесін беру туралы,
- ауданның, облыстық маңызы бар қаланың мемлекеттік кітапханаларының біріне «Орталық» мәртебесін беру жөнінде,
- мемлекеттік мәдениет ұйымдарын аттестаттау жөнінде,
- қоры тек қана электронды кітапхана пайдаланушылармен жанама түрдегі (қашықтықта) немесе толық емес жанама түрдегі өзара іс-қимыл кезінде ақпараттық және телекоммуникациялық құралдарды қолдана отырып қызмет көрсетуді жүзеге асыру туралы,
- кітапханалардың кітапхана қорын қалыптастыру сатып алу, кітап алмасу және сыйға тарту жолымен жүзеге асырылатын туралы,
- мемлекеттік кітапханалар кітапхана қорына келтірілген залал үшін алынған өтемақы сомаларын тиісті бюджетке аударатыны жөнінде.
-1-бап: 1) тармақша; -6-бап: 11),13) тармақшалар;
-7-бап: 3), 9-1), 33), 34) тармақшалар;
-8-бап: 10-1), 14) тармақшалар;
-9-бап: 9) тармақша;
-20-1 бап, 1, 2, 3 тармақтар;
-21-бап: 1, 2, 2-1 тармақтар;
-24-бап: 2, 2-1, 2-2, 3, 4, 5 тармақтар.
Қараңыз: www.kazpravda.kz, wap.kazpravda.kz, pda.kazpravda.kz; Егемен Қазақстан. - 2010. - 3 маусым. - 5 б.
|
