2010 жылдың 16 маусымында Қазақстан Республикасының Ұлттық кітапханасында ҚР Мәдениет министрлігінің қолдауымен Қазақстан гуманитарлық-саяси конъюнктура орталығы ұйымдастырған «Саясат, мәдениет және заманауи қоғам» атты дөңгелек үстел өткізілді.
Дөңгелек үстелдің модераторы Нұрлан Ерімбетов болды.
Дөңгелек үстелге Қазақстан гуманитарлық саяси конъюнктура орталығының президенті Е.Алияров қатысты. «Тамыр» журналының бас редакторы, философия ғылымдарының кандидаты Ә.Қодар «Қазақстан мәдениеті симулякр ретінде» атты баяндама, ҚР Білім және ғылым министрлігі Ғылым комитетінің Философия және саясаттану институтының аға ғылыми қызметкері Е.Байдаров «Қазіргі Қазақстанның даму барысындағы саясат пен мәдениет» деген тақырыпта баяндама жасады. Қазақстан гуманитарлық саяси конъюнктура орталығының вице-президенті М.Асанбаев, ҚР Білім және Ғылым министрлігінің Философия және саясаттану институтының аға ғылыми қызметкері М.Омаров және т.б. зерттеуші ғалымдар, мәдениеттанушылар, тілтанушылар, саясат пен әлеуметтанушылар қатысып өз ойларын ортаға салды.
Конференцияда Қазақстандағы мәдениет пен саясаттың өзекті мәселелері, соның ішінде «Қазіргі Қазақстан қоғамындағы саясат және мәдениет», «Бүгінгі саясаттағы мәдениеттің алатын орны», «Қазақстанның мәдени саясаты: проблемалары мен келешегі» тақырыптары талқыланды.
|