ҚР Ұлттық кітапханасының Бас директоры О.И.Исахов, ҚР ҰК бас директорының  1-орынбасары Г.Қ.Балабекова 2010 жылы маусымның 21-24  аралығында  АҚШ-та (Вашингтон, АҚШ) Әлемдік сандық кітапханалардың    жыл сайынғы 1-серіктестік мәжілісіне қатысып қайтты. 

Серіктестер  Әлемдік сандық кітапханалар жобасының жағдайын, оның мазмұнын және техникалық проблемаларын шешу жолдарын қарастырды. Сондай-ақ  Атқарушы кеңестің,  құрылым, аударма мен тіл, техникалық көмек көрсету, комитетінің құрамына сайлау өткізілді.

Осы іс-шара аясында 2010 жылдың 21 маусымында ТМД  мемлекеттері кітапханаларына  Әлемдік сандық кітапханалар серіктестері мен болашақ серіктестер  отырысы өткізілді. Осы отырыста ҚР ҰК бас директоры  О.И.Исахов өз сөзінде ҚР Ұлттық кітапханасындағы сирек  кітаптар мен  сандық жобалар және қолжазбалар қоры туралы сондай-ақ техникалық көмек көрсету және материалдар беру мәселелері туралы, айтты.