ҚР Ұлттық кітапханасының Бас директоры О.Исахов, ҚР Ұлттық кітапханасы Бас директорының I-орынбасары Г.Қ.Балабекова, Ақпараттық ресурстар қызметінің жетекшісі К.К.Қоштаева және Ұлттық библиография қызметінің жетекшісі А.Б.Рақышева 2010 жылғы 21-23 қыркүйекте Санкт-Петербург қаласында (Ресей) өткен Халықаралық библиографиялық конгрестің жұмысына қатысты.
Халықаралық библиографиялық конгресті Ресей ұлттық кітапханасының Бас директоры В.Н.Зайцев салтанатты түрде ашты. Конгрестің ашылуына Санкт – Петербург мәдениет комитетінің төрағасы А.Н.Губанков, РФ Мәдениет министрлігінің Мәдени мұра және бейнелеу өнері департаменті директорының орынбасары, Кітапханалар және мұрағаттар бөлімінің бастығы Т.Л.Манилова, Қазақстан Республикасының Санкт – Петербург қаласындағы Бас консулы Ж.К.Кеншимов қатысты.
ҚР Ұлттық кітапханасының Бас директоры О.Исахов конгрестің ашылуында құттықтау сөз сөйледі.
ҚР Ұлттық кітапханасы Бас директорының I-орынбасары Г.Қ.Балабекова дайындаған «Қазақстанның ретроспективті ұлттық библиографиясының жай-күйі» туралы баяндаманы Ұлттық библиография қызметінің жетекшісі А.Б.Рақышева жасады. Ақпараттық ресурстар қызметінің жетекшісі К.К.Қоштаева «Ақпараттық-библиографиялық ресурстың қалыптасуы және оны оқырмандарға қызмет көрсету барысында пайдалану» тақырыбында баяндама жасады.
|