28 желтоқсанда Қазақстан Республикасының Ұлттық кітапханасында Міржақып Дулатовтың туғанына 125 жыл толуына орай пошта маркасы пошта айналымына енгізілуіне байланысты іс-шара өткізілді.

   Марка «Атаулы және мүшелтой  күндері» сериясымен шығарылған.

   Маркада Міржақып Дулатовтың портреті бейнеленген. Марка 4 түрлі бояумен офсетті тәсілмен басылған. Марканың көлемі 33 х 27,5 мм, таралымы 3 000 000 дана. Суретшісі Данияр Мұхамеджанов. Марка   «Қазақстан Республикасы Ұлттық банкінің банкнот фабрикасы» республикалық мемлекеттік кәсіпорнында шығарылған. 

  Марканы таныстыру рәсіміне  жазушының немересі,  «Мектеп» баспасының бас директоры Сатыбалдиев Ерлан Әбенұлы және «Қазпошта» акционерлік қоғамы басқармасы  төрағасының орынбасары Әбдірахманов Мұхтар Мұратұлы  қатысты.