Қазақстан Республикасы Ұлттық кітапханасы өз қорынан белгілі ақын Мұқағали Мақатаевтың 80 жылдық мерейтойына арналған «Қазақ поэзиясының хантәңірі» атты көркем безендірілген кітап көрмесін оқырмандар назарына ұсынады.

   Көрме негізгі үш бөлімнен тұрады: «Қарасаздан басталған жол», «Мұқағали – мәңгілік жыр», «Жазылар естеліктер мен туралы».

    Бірінші бөлімде Мұқағали туралы мәліметтер берілген. Онда энциклопедиялық басылымдар, туған жері, отбасы туралы ақпараттар бар. Екінші бөлімге 700-ден астам еңбектері (мақала, естелік эссе, роман, поэма, өлеңдері т.б.) қойылды. Үшінші бөлімде Мұқағали Мақатаев жайында қоғам қайраткерлерінің, ақын-жазушылардың пікірлері, естеліктері ұсынылып отыр.