2011 жылы 17 ақпанда Ұлттық кітапханада Елбасы Н.Назарбаевтың  халыққа кезекті жолдауы талқыланды. Бұл іс-шараның кітапханалар үшін идеологиялық және кәсіби маңызы туралы Ұлттық кітапхананың бас директоры Орынбасар Исахов айтып өтті. 

   Ғалым-хатшы Е.Исмаилов әлемдік және отандық тәжірибедегі  «Жолдау» мен «Үндеу» ұғымдары, Президенттің барлық 17 тарихи жолдауының сабақтастығы мен дәйектілігі туралы толымды баяндама жасады. 2011 жылғы жолдаудың білім беру мен мемлекеттік тілді дамыту саласындағы басымдықтары мен міндеттері кітапханалық инновацияны енгізу жөніндегі ағымдағы жоспарлармен, жалпы ұлттық кітап қорын  сапалы қалыптастырумен және республикада кітапхана ісінің болашақтағы дамуымен тікелей байланысы тұрғысынан  ерекше атап өтілді.

  Президенттің жолдауындағы идеяларды талқылауды қорытындылай  келіп, бас директор О.Исахов: осынау аса маңызды құжаттағы сындарлы ойларды қолдай отырып, біз іс жүзінде  кәсіби бәсекеге қабілеттілігімізді қолдап, дамыта беретін боламыз, деген тұжырым жасады.