15 наурызда Қазақстан Республикасының Ұлттық кітапханасында Қазақстан Республикасының Президенттігінен үміткер Н.Ә.Назарбаевтың қалалық сайлау алдындағы штабының желілік кестесіне сәйкес «Қазақстан Республикасының тәуелсіздігіне 20 жыл» атты көркем безендірілген кітап көрмесі ашылды.
Көрменің мақсаты: Қазақстан Республикасының Тәуелсіздіктің 20 жылындағы қалыптасуы мен дамуының негізгі кезеңдерін, Қазақстан Республикасының тұңғыш Президенті – жаңа тәуелсіз Қазақстанның негізін қалаушы, елдің бірлігі мен дамуын, оның халықаралық деңгейде танылуын қамтамасыз еткен Елбасының тарихи ролін көрсету.
Көрменің ашылуына Қазақстан Республикасының Президенттігінен үміткер Н.Ә.Назарбаевтың сенім білдірген өкілдері, Қазақстан Республикасындағы Украин мәдени орталығының төрағасы В.П. Лымаренко және Қазақстан Республикасындағы Ингуш мәдени орталығының төрағасы С.М. Оздоев, Бостандық ауданының сайлау алдындағы штабы төрағасының орынбасары А.Ж. Төлегенов және басқалар қатысты. |