2011 жылы 12 сәуірде Қазақстан Республикасының Ұлттық кітапханасында «Чернобыль АЭС-ғы ядролық апатқа 25 жыл» атты халықаралық дөңгелек үстел өтті.

    2011 жылы 26 сәуірде бүкіл дүниежүзілік қасыретке айналған Чернобыль АЭС-ғы ядролық апатқа 25 жыл толады.

   ҚР Ұлттық кітапханасы дөнгелек үстел аясында өз қорларынан «Чернобыль – XX ғасырдан келген қоңырау!» атты көркемделген кітап көрмесін ұйымдастырды. Көрмеге қойылған әрбір құжат өте маңызды, ол өткенді еске салып қана қоймайды, сонымен бірге оқиғаларды ой елегінен өткізуге, ең бастысы болашақта сақ болуға шақырады.

   Көрмеге конструкторлардың, атомшылардың, экологтардың, планетаның әртүрлі нүктелеріндегі ғылымның ондаған саласы мамаңдарының кітаптары, атом энергетикасының болашағы туралы халықаралық жиындардың құжаттары қойылған.

   Дөңгелек үстел жұмысына Украинаның  Бас Консулы Л.М.Протасова, генерал-майор А.А.Тогусов, Чернобыль АЭС-ның ардагерлері, әлеуметтік қорғау басқармасының, денсаулық сақтау басқармасының, Қызыл жарты ай қалалық комитетінің, Алматы қалалық ардагерлер комитетінің және басқалардың өкілдері қатысты.