ҚР Ұлттық кітапханасының бастамасымен 21 сәуірде сағат 10-да облыстық әмбебап ғылыми кітапханалар директорларының «Қазақстанның 2012-2014 жылдарға арналған индустриялық-инновациялық дамуын кітапханалық-ақпаратпен қамтамасыз етудің салалық бағдарламасы» жобасын талқылауға арналған кеңесі өтеді.
«Қазақстанның 2012-2014 жылдарға арналған индустриялық-инновациялық дамуын кітапханалық-ақпа ратпен қамтамасыз етудің салалық бағдарламасы» жобасы Қазақстан Республикасының үдемелі индустриялық-инновациялық дамуының Мемлекеттік бағдарламасын қолдау мен жүзеге асыруға бағытталған.
Кітапхана Мәдениет министрлігі жүйесіндегі кітапханалардың ақпараттық-ресурстық әлеуетін жаңартудың кең көлемді бағдарламасын іске асыруға кірісті. Республикалық және аймақтық деңгейдегі ақпараттық кеңістікте кітапханалық инфрақұрылымның бәсекеге қабілетті жаңа бағыты ұсынылады.
Жоба аймақтарға инвестиция тартудың өсуіне және индустрияландыруға қолдау көрсетуге кітапхана қорларының сұранысқа ие болуы мақсатында жүзеге асырылады.
Салалық бағдарламаның барлық шараларының негізгі 4 басымдығы бар:
· Ұлттық кітапханалар мен ОӘҒК қорларын аймақтарды индустриялық-инновациялық дамыту тақырыбы бойынша қалыптастыру;
· кітапханалардың әлемдік электрондық ресурстар жүйесіне қолы жетуін ұйымдастыру;
· аймақтық ақпарат орталықтарының жұмысына заманауи IT-технологияларды енгізу;
· мемлекеттің индустриялық-инновациялық дамуын кітапханалық-ақпараттық қолдау үшін ҚР ҰК жанынан жалпы республикалық басқару және үйлестіру орталығын ұйымдастыру.
Мемлекеттік үдемелі индустриялық-инновациялық даму бағдарламасының мәтінінде Салалық кітапханалық бағдарламаны дайындаушылар кітап қорын толықтыруда республиканың, аймақтың әлеуметтік-экономикалық даму ерекшеліктерін ескеретін жоғары технологиялық, ғылыми ауқымды ақпаратпен толығуының және дамуының құралы ретінде қаралады. |