Қазақстан Республикасының Тәуелсіздігінің 20 жылдығы аясында Қазақстан Республикасының Ұлттық  кітапханасы Ұлы Жеңістің 66 жылдығына арнап «Ұлы Отан соғысының ұлы шежіресі» («Хроника Великой Отечественной») атты безендірілген кітап көрмесін ұйымдастырып отыр.

   Көрмеге 200-ден астам қазақ және орыс тіліндегі басылымдар қойылған. Көрмеде қазақстандық жауынгерлердің Ұлы Отан соғысы майданындағы ерліктері туралы кітаптар, Б.Момышұлы, Р.Қошқарбаев, М.Ғабдуллин, Қ.Қайсенов, Ә.Нұршайықов сынды батырларымыздың еңбектері, Ұлы Жеңістің 65 жылдығына арналған жаңа кітаптар топтамасы,  «Боздақтар» атты Ұлы Отан соғысында қаза тапқан жауынгерлер туралы естелік кітабының жинақтамасы, «Жеңіс жауынгерлері - Солдаты Победы» жинақтама томдары, Ленинград майданындағы қазақ жауынгерлерінің ана тілінде шыққан «Отанды қорғауда» газетінің топтамасы көпшілік назарына ұсынылған.