2011 жылы 21 сәуірде ҚР Ұлттық кітапханасының бастамасымен облыстық әмбебап ғылыми кітапханалар директорларының қатысуымен «Қазақстанның 2012-2014 жылдарға арналған индустриялық-инновациялық дамуын кітапханалық-ақпаратпен қамтамасыз етудің бағдарламасы» жобасын талқылау мақсатында кеңес өткізілді.
Кеңеске қатысушылар «Қазақстанның 2012-2014 жылдарға арналған индустриялық-инновациялық дамуын кітапханалық-ақпаратпен қамтамасыз етудің Бағдарламасы» жобасын қабылдап, оның жүзеге асырылуы республика бойынша қазіргі заманға сай тиімділігі жоғары, бәсекеге қабілетті, кітапханалық индустрия құруға және кітап қорын ғылым, техника, экономика және мәдениет саласындағы жоғары технологиялық ғылыми ақпаратты қамтитын әдебиеттерді орталықтандырылған тұрғыда сатып алуға қолжеткізуге мүмкіндік береді деп сенім білдірді. Сонымен қатар, облыстық әмбебап ғылыми кітапханалары жанынан заманауи техника құралдарымен, ресурстармен жабдықталған кітапханалық қызмет көрсету міндеттерін атқаратын мобильді жылжымалы ақпараттық-кітапханалық қызмет көрсету кешенін ұйымдастыру оңтайлы болады деген шешімге келді.
Аталған бағдарлама жобасы ары қарай тиісті қолдау табуы үшін ҚР Мәдениет министрлігінің Мәдениет комитетіне ұсынылды.
Бағдарлама жобасы
«Қазақстанның 2012-2014 жылдарға арналған индустриялық-инновациялық дамуын кітапханалық-ақпаратпен қамтамасыз етудің бағдарламасы» | 
