2011 жылы 30 мамырда сағат 11.00-де Қазақстан Республикасының Ұлттық кітапханасында Қазақстан Тәуелсіздігінің 20 жылдығына орай «Қазақстанның тарихи демографиясындағы ақтаңдақтар» («Черно-белые пятна в исторической демографии Казахстана») атты дөңгелек үстел өтті. 

   Дөңгелек үстел аясында белгілі ғалым демограф, саясат ғылымдарының докторы, академик Мақаш Тәтімовтың «Зұлмат пен зардап» («Мешін» жылғы демографиялық апат туралы тарихи талдау және саясаттанымдық зерттеу). «Голощекинский голодомор» («Черно-белые» пятна в исторической демографии Казахстана) монографиясының және социология, демография, саясаттану жөніндегі «Глобализация демографии» (Социально-политические проблемы роста и развития народонаселения Мира) оқу құралының тұсаукесері өтті. Бұл монографиялар Орталық Азия университеті жанындағы Халықтарды зерттеу орталығында қазақ, орыс, ағылшын тілдерінде жарық көрді.

   Сонымен қатар, ҚР Ұлттық кітапханасы қорынан «Тәуелсіз Қазақстанның демографиясы» атты безендірілген кітап көрмесі ұйымдастырылды.