ҚР Ұлттық кітапханасында 6-24 маусым аралығында шығыс қолжазбалары мен кітаптарын қалпына келтіру және түптеу жөніндегі тәжірибелік семинар өткізіледі. Семинар ЮНЕСКО-ның Кластерлік Бюросының қолдауымен жүзеге асырылады.
Семинардың мақсаты – шығыс қолжазбалары мен кітаптарын қалпына келтіру және түптеу жөнінде тәжірибе жинақтау, қалпына келтіруші мамандардың кәсіби біліктілігін көтеру. Тәжірибелік семинарды Францияның Ұлттық кітапханасының Консервация департаментінің қалпына келтіру жөніндегі сарапшысы, графикалық құжаттарды қалпына келтіруші Тьерри Обри жүргізеді. Тьерри Обри – үйретуші бағадрламаларды өткізуде, мәдени мұраны сақтау және қалпына келтіру жөніндегі мамандарды даярлауда, кітапты сақтау үшін былғары мен жапон қағазын қолдану, қағаздың қышқылданбау процестері жөнінде зерттеу жұмыстарын жүргізуде, сонымен қатар, қалпына келтіру материалдары мен жабдықтар нарығын зерттеуде үлкен жұмыс тәжірибесін жинақтаған маман. Семинарға ҚР Ұлттық кітапханасы, Облыстық әмбебап ғылыми кітапханалар, ҚР Орталық мемлекеттік мұражайы мен ҚР Орталық мемлекеттік мұрағатының мамандары қатысады.
Анықтама телефондары: 267-28-86, 267-31-82, 272-06-19. |