Қазақстан Республикасының Ұлттық кітапханасы Республиканың Конституция күніне орай "Конституция – Қазақстанның тұрақталағы мен өркендеунің  негізі" атты ауқымды безендірілген кітап көрмесін оқырмандардың назарына ұсынады. Көрме негізгі үш бөлімнен тұрады: «Менің Қазақстаным», «Конституция жаңару жолында», «Алтын арқау – Ата заң».

   1500-ден астам әдебиеттер қойылған көрмеде «Мәдени мұра» мемлекеттік бағдарламасы бойынша шығарылған кітаптар (Қазақтың ата заңдары. Алматы, 2006) ерекше қызығушылық танытады. Қазақ елінің жалпы жарғысы, негізгі заңы қызметін атқарып, қазақтың мемлекеттік құрылымы мен феодалдық құқығын бекіткен Әз Тәуке (ХVII ғасырдың екінші жартысы) тұсындағы тарихи кезеңдерге қатысты басылымдар: С.Созақбав «Тәуке Хан. Жеті жарғы» - Алматы. 1995, С.Сартаев «Қазақстан Республикасы Конституциясының қалыптасуы.» - Алматы, 2005, тағы басқа көптеген құжаттар жинақталған.