Қазақстан Республикасының Ұлттық кітапханасы мен ҚР Тұңғыш Президентінің Қорының ынтымақтастығы аясында 2011 жылы 15-17 қарашада ҚР Ұлттық кітапханасы өткізетін Халықаралық «Еуразия кітапханаларының жаңа форматы. Ақпараттық жүйелер мен технологиялар» конференциясының бағдарламасына ҚР Тұңғыш Президентінің Қорына бару енгізілген.
Конференция қатысушылары Қордың жұмысымен және қазіргі тәуелсіз мемлекетіміздің негізін салушы ҚР Тұңғыш Президентінің сан-салалы қызметімен танысады.
Ағымдағы жылдың 19 қыркүйегінде Ұлттық кітапхана мамандары Қордың соңғы жылдары басып шығарған басылымдарының көрмесіне қатысты. Көрме барысында ҚР Ұлттық кітапханасына 55 дана кітап – қазақстандық авторлардың шығармалары, жас ғалымдардың еңбектері сыйға тартылды. Олардың ішінде: М.О.Әуезовтің, С.Сейітовтың, Н.Сыдыковтың, М.Макатаевтың шығармалары, мақалалар жинақтары: «Қазіргі Қазақстандағы инновациялық даму және ғылымның қажеттілігі», «Жастар - ғылымда» және т.б.
ҚР Ұлттық кітапханасы Қорға осы үлкен сый үшін өз ризашылығын білдіріп, Қор ұжымына шығармашылық табыстар тілейді. |