2011 жылы 3 қазанда сағат 11.00-де ҚР Ұлттық кітапханасында Қазақстан Республикасы Тәуелсіздігінің 20 жылдығы және Қазақстан Республикасы Ұлттық кітапханасының 80 жылдығына орай ақын, Ресей Жазушылар одағының мүшесі Аманғали Сұлтанның «Скифиада» атты 2 томдық тарихи дастан кітабының тұсаукесері өтті.

   Тұсаукесерді белгілі жазушы, қоғам қайраткері С.А.Елубаев  және «Мұхтар Әуезов қоры» Қоғамдық қорының президенті М.М.Әуезов жүргізді. Тұсаукесер рәсімінде тіл білімінің маманы, филология ғылымдарының  докторы, профессор, ҚР ҰҒА-ның академигі, Қазақстанның еңбек сіңірген ғылым қайраткері Ш.Ш. Сарыбаев, филология ғылымдарының докторы, ғалым Ф.М.Оразаев, ҚР Президенттік мәдениет орталығы директорының орынбасары, ғалым Ж.М. Әкім, ҚР Ұлттық кітапханасының Сирек кітаптар мен қолжазбалар бөлімінің жоғары дәрежелі кітапханашысы А.К.Бекпулатова  және т.б. қатысып, сөз сөйледі.

   Іс-шараның аясында ҚР Ұлттық кітапханасының қорынан А.С. Сұлтанның шығармашылығына  арналған «Уақыт уағызы» атты кітап көрмесі ұсынылды.