2011 жылы 18 қазанда сағат 15.00-де  ҚР Ұлттық кітапханасында  үшінші рет Қазақстан Республикасының  Мәдениет министрлігі, ҚР Ұлттық кітапханасы, Қазақстан хореографтарының одағы, Қуандық Шаңғытбаев атындағы қор мен Қазақстан аудармашылар одағының ұйымдастырушылық қолдауымен  III Еуразиялық оқулары болып өтті.

  III Еуразиялық оқудың модераторы - Дүйсенбек Нақыпов.

   Басқосуда "тіл кеңістігі","тілді қалай сақтауымыз керек?", "тіл мәселесі" сынды өзекті тақырыптар қарастырылды.

  Сәтімжан Санбаев, Аслан Жақсылықов, Сұхбат Афлатуни, Бақыт Садықова, Сергей Ташевский, Лаврентий Сон, Гауһар Шаңғытбаева және де Қазақстанның, Ресей мен Өзбекстанның басқа да белгілі жазушылары мен өнер қайраткерлері өз ойларымен бөлісіп, сөз сөйледі.

   Өткен шараның басты миссиясы  - Орталық Азияның өнер мен әдебиет өкілдері арасында тікелей байланыстарды орнату, елдердің тілдер және мәдениетаралық диалогын олардың өкілдерінің өзара тілдесуі арқылы жүргізу.