2011 жылы 27 қазанда сағат 15:00-де Қазақстан Республикасының Ұлттық кітапханасында Қазақстан Республикасы  Тәуелсіздігінің 20 жылдығына және ҚР Ұлттық кітапханасының 80 жылдығына арналған «Ауылым - алтын бесігім» - поэзиялық ән кеші өткізілді. Кеш аясында «Ауылым- әнім» атты безендірілген  кітап көрмесі ұйымдастырылды.

   Кеш барысында   жас ақындар отансүйгіштік, тәуелсіздік, ауылдың гүлденуіне арналған жыр-өлеңдерін оқып, ауылды қайта түлету мен гүлденуге байланысты келелі ойларын ортаға салды. Сонымен қатар,  эстрада жұлдыздарының орындауларында ауылға арналған әндер шырқалды.

   Кешке  жас ақындар Маралтай Райымбекұлы,  Алмат Исаділ, Ырысбек Дәбей, Бауыржан Әліқожа, қазақ эстрадасының әншілері Нұрлан Абдуллин, Медеу Арынбаев, Саят Медеуов және кітапхана оқырмандары мен қызметкерлері қатысты.