2011 жылы 24 қарашада сағат 11-00-де Қазақстан Республикасының Ұлттық кітапханасында «Әдебиет және ізгілік» клубы Қазақстан Республикасы  Тәуелсіздігінің 20 жылдығына орай «Ұлт тұтастығы – ұлы ұғым» атты тақырыпта «Тәуелсіздік жемісі» кітабына арналған дөңгелек үстел  өткізді.

   Тұсаукесер рәсімін ҚР ҰК Бас директорының орынбасары Б.Қ.Оспанова ашты.

  Дөңгелек үстелді ақын Мұратхан Шоқан жүргізді. Іс-шараға  Қ.Жұмаділов, М.Шаханов, Б.Шаханов, Ә.Меңдіке, З.Қинаятұлы, Н.Мұхамедханұлы, Ғ.Қабышұлы, Қ.Ілиясұлы, С.Рәсілов,  Б.Төлегенқызы  т.б. шығармашылық адамдары қатысып, сөз алды.

    Іс-шара аясында ҚР Ұлттық кітапханасының қорынан «Тәуелсіздік жемісі»  атты кітап көрмесі ұсынылды.

   Сонымен қатар, іс-шара барсында ақын осы туындысын Алматыдағы көпшілік кітапханалар мен жоғары оқу орындарының кітапханаларына тарту етті.