2011 жылы 6 желтоқсанда Қазақстан Республикасының  Ұлттық кітапханасында «Тәуелсіздіктің жиырма шыңы» - 20 жұлдызды күннің шеңберінде «Мәдениет» күніне орай  «Ашық есіктер күнін» өткізді.

    Ашық есіктер күнінің мақсаты – қоғамымыздың рухани және мәдени дамуына ықпал ету үшін кітап  оқуды насихаттау, жастарды кітап оқуға тарту,  кітапхананың  қоғам өміріндегі маңызын арттыру, кітапхананың бай кітап қорымен таныстыру.

   Оқырмандар назарына әр тақырыптағы кітап көрмелері - «Тәуелсіз Қазақстан: бейбітшіліктің, келісімнің және жасампаздықтың 20 жылы», «Қазақстан - біздің ортақ үйіміз», «Өнер әлеміне саяхат», «Қазақстан Республикасының Тұңғыш Президенті», Манаш Қозыбаевтың 80 жылдығына арналған «Тарих ғылымының тарланы», Қ.Аманжоловтың 100 жылдық мерейтойына арналған «Өлмес өмір жыршысы», Тұрсынхан Әбдірахманованың 90 жылдық мерейтойына арналған «Жақұт сөзбен өрілген жауһар жыр» атты көрмелер ұсынылды. Кітапхананың қызметімен таныстыратын тегін экскурсиялар ұйымдастырылды, кеңестер берілді.

   Сонымен қатар, «Мәдениет» күніне арналған концерттік бағдарлама өткізілді. Концерттік бағдарламада жас ақындар: Мұратхан Шоқан, Бауыржан Әліқожа және Т.Жүргенов атындағы Қазақ ұлттық өнер Академиясының студенттері өз өнерлерін көрсетті.