2011 жылы 20 желтоқсанда Қазақстан Республикасы тәуелсiздiгiнiң 20 жылдығына және Қытай Халық Республикасы мен Қазақстан Республикасының арасындағы дипломатиялық қарым-қатынастың орнағанына 20 жыл толуына байланысты Алматыға сапармен келген ҚХР делегациясы ҚР Ұлттық кітапханасына келді. Делегацияны СҰАР Қытай Халық Саяси Консультативті Кеңесінің төрағасы Асхат Керімбай басқарды.

   Делегацияның құрамында ҚХР Алматыдағы бас консулы Ду Дэвэнь ханым, ҚХР Алматыдағы бас Консулының орынбасары Ло Шисюн мырза, СҰАР Іле-қазақ автономиялық округі үкіметінің басшысы Маокен Сайтихамужа мырза бар.

   Кездесу барысында қонақтар ҚР Ұлттық кітапханасының қызметімен танысып (Сирек кездесетін кітаптар мен қолжазбалар бөлімі, Сандық технологиялар бөлімі, Қытай мәдени орталығы) және Қытайдың тарихы, оның салт-дәстүрлері, халықтың қолөнерлері туралы әдебиетті (45 аталым/ 206 дана) сыйға тартты.