2011 жылы 23 желтоқсанда сағат 11.00-де белгілі мемлекет және қоғам қайраткері Ө.Жәнібековтың туғанына 80 жыл толуына орай Қазақстан Республикасының Ұлттық кітапханасы құрастырған «Өзбекәлі Жәнібеков» атты библиографиялық көрсеткіш және З.Жәкішеваның «Өзбекәлі Жәнібеков тағылымы» атты кітабының тұсаукесер рәсімі өтті.
Тұсаукесер рәсімін ҚР ҰК Бас директорының орынбасары Б.Қ.Оспанова ашты.
Тұсаукесерді белгілі көрнекті театр зерттеушісі, сыншы, профессор, ҚР Мемлекеттік сыйлығының иегері Әшірбек Сығай жүргізді. Тұсаукесер рәсімінде ҚР еңбек сіңірген мәдениет қайраткері, аспаптанушы, этнолог, «Өзбекәлі Жәнібек тағлымы» кітабының авторы З.Жәкішева, Халықаралық «Қазақ тілі» қоғамының президенті, академик Ө.Айтбайұлы, филология ғылымдарының докторы, профессор, «Қазақ энциклопедиясының» бас редакторы Б.Ө.Жақып, «Сазген сазы» атты фольклорлық-этнографиялық ансамблінің бас дирижері Ы.Нұрғалиев, Ө.Жәнібековтің немере қызы Әзел Бауыржанқызы т.б. шығармашылық адамдары қатысып, сөз алды.
|