2011 жылы 26 желтоқсанда ҚР Ұлттық кітапханасының Бас директоры Г.Қ.Балабекова Мәдени кеңесші Асғар Сабери мырза бастаған Қазақстан Республикасындағы Иран Ислам Республикасы Елшілігінің Мәдени өкілдігінің делегациясын қабылдады.
Кездесу барысында ҚР Ұлттық кітапханасы мен ҚР Ислам Иран Республикасының Елшілігінің Мәдени өкілдігінің арасындағы істестіктің дамуы, 2012 жылдың 1-12 ақпан аралығында Иран Ислам Республикасының Тәуелсіздік күніне арналған ресми онкүндігі аясында іс-шараларды бірлесіп өткiзу талқыланды.
Қонақтар ҚР Ұлттық кiтапханасының (Сирек кездесетін кітаптар мен қолжазбалар бөлімі, «Қазақстан кітаптары» бөлімі, Әлем әдебиеті бөлімі, Диссертациялар бөлімі) қызметiмен танысты және кітапхана қорына М.Х.Дулатидің «Тарих-и Рашиди» кiтабын сыйға тапсырды.
|