29 ақпанда ҚР Ұлттық кітапханасы Қазақстанның және КСРО халық әртісі, Халық қаһарманы Роза Тәжібайқызы Бағланованың 90 жылдығына орай еске алу кешін өткізді.
Бұл кеш Ұлттық кітапханада жаңадан оқырман үшін құрылған «Інжу-маржан» өнер клубының ұйымдастырып отырған іс-шарасы. Клубтың мақсаты - қазақ өнерін насихаттау, өнер қайраткерлерімен кездесулер, дөңгелек үстелдер өткізу, сурет көрмелерін ұйымдастыру, шығармашылық байланыстар орнату және т.б. іс-шаралар.
Іс-шара аясында Ұлттық кітапхана қорынан Халық әртісі Роза Бағланованың өмірі мен шығармашылығына арналған «Ғасыр әншісі» атты көркемделген кітап көрмесі ұйымдастырылды. Көрмеде 150-ден аса әдебиеттер ұсынылған.
Кешке белгілі әнші, Қазақстанның халық әртісі Мақпал Жүнісова, ақын Шөмішбай Сариев, Роза Бағланованың продюсері болған Қуаныш Абдихалимов, әнші Біржан Хасанғалиев, «Тарлан» тобы және Роза Бағланованың жақындары, отбасы мүшелері қатысты.
|