Әлемдік сандық кітапхана сайтында www.wdl.org./ru/search/gallery/?institution=national-library-of-kazakhstan ҚР Ұлттық кітапханасының қорынан сирек кездесетін құнды құжаттар ұсынылды.
Бұл сирек кітаптар мен қолжазбалар қорындағы 4 құжаттың электрондық көшірмелері: Абай Құнанбаевтың шығармалары (СПб, 1909); екі қолжазба – Қожа Ахмет Ясауидің (XVIII ғ.) Рисаласы (Миратулкулуб) және Насаб-намасы (Қожа Ахмет Ясауидің ата-тегі жайында 1687/88); Бұқара, Хива және Қоқан хандықтарының және Түркістанның бір бөлігінің картасы (1875 ж.).
Құжаттардың электрондық көшірмелері 2009 жылдың тамыз айында қол қойылған ҚР Ұлттық кітапханасы мен АҚШ Конгресі кітапханасының өзара ынтымақтастық жайындағы келісімшарт негізінде ұсынылды. Әлемдік сандық кітапхана Ғаламторда көп тілді форматта әлем елдерінің мәдениеті жайлы үлкен көлемдегі материалдарға тегін қол жетімділік мүмкіндігін туғызады. ҚР Ұлттық кітапханасының осы жобаға қатысуының арқасында әлемдік пайдаланушылар қазақ халқының мәдени мұрасы болып табылатын құнды құжаттармен танысуына мүмкіндік алады. |