ҚР Ұлттық кітапханасында Наурыз мейрамына арналған «Нұр себеле, Ұлыстың ұлы күні» атты кітап көрмесі ұйымдастырылды.
Наурыз мейрамы - халқымыздың ғасырлар бойы атадан балаға мұра болып келе жатқан дәстүрлі ұлттық мерекесі. Наурыз - береке-бірліктің, татулықтың, ерен еңбектің, жаңарған тіршіліктің ұлы символы.
Көрменің мақсаты - халқымыздың ежелден желісі үзілмей жеткен салт-дәстүрлері, әдет-ғұрыптары, ұлттық тағамдары, ұлттық киімдері мен ойындарын насихаттай отырып, дүние жүзіндегі түркітілдес, Иран, Үндістан, Ауғанстан және т.б. халықтардың наурыз мейрамын тойлау дәстүрлері туралы кеңінен ақпарат беру.
Көрме алты бөлімнен тұрады: «Наурыздың тарихы мен тағылымы», «Наурыз тағамдары», «Ұлттық киімдер», «Ұлттық ойындар», «Наурыз мейрамына арналған бата, тілек, жыр-толғаулар, өлеңдер, әндер», «Дүние жүзі халықтарының Наурыз мерекесін тойлау дәстүрі».
Көрмеге ҚР Ұлттық кітапхана қорынан қазақ, орыс және түркітілдес халықтарының тілінде 1500-ге жуық басылымдар қойылды. |