13 сәуірде Қазақстан Республикасы Ұлттық кітапханасын бригадалық генерал, Қазақстан Республикасындағы Пәкістан Ислам Республикасы Елшілігінің әскери атташесі Абид Мумтаз мырза сапармен келді.
Бұл сапар Қазақстан Республикасы Ұлттық кітапханасының қызметі мен Ұлттық кітапханада 2007 жылы Қазақстан Республикасындағы Пәкістан Ислам Республикасы Елшілігінің қолдауымен ашылған Пәкістан мәдени орталығымен танысуға бағытталған.
Орталық 3-қабатта Әлем әдебиеттер залында орналасқан. Онда оқырмандарға Пәкістанның мәдениеті, тарихы, экономикасы мен қазіргі кезеңдегі саясаты туралы әдебиеттер ұсынылған. Ол қор жаңа әдебиеттермен толықтырылып тұрады.
Сапар барысында Абид Мумтаз Қазақстан Республикасы Ұлттық кітапханасының бас директоры Г.Қ.Балабековамен кездесті.
|