18 сәуір сағ.11.00-де Қазақстан Республикасының Ұлттық кітапханасында «Шолпан» (1922-1923 жж.) журналының және «Ақ жол» (1920-1926 жж.) газетінің кітап болып басылған көптомдық нұсқасының тұсаукесер рәсімі өтті.
Іс-шараны осы жинақтардың құрастырушысы Оңтүстік Қазақстан облыстық Саяси қуғын-сүргін құрбандары мұражайының директоры Ханбибі Есенқарақызы жүргізді.
Тұсаукесерде белгілі тарихшылар Мәмбет Қойгелді, Тұрсынбек Кәкішев және т.б.ғалымдар жинақтардың тағылымды мән-маңызына жан-жақты тоқталып, өз пікірлерін білдірді.
Х.Есенқарақызы сонымен қатар «Ақ жол» газетінің 3 томдық жинағының баспаға дайындалып жатқанын хабарлады. Іс-шарада Е.Рақышев түсірген «Көш» атты дерекфильмінің үзіндісі көрсетілді.
Тұсаукесерге белгілі ғалымдар, репрессияға ұшыраған отбасыларының өкілдері, Алматы қаласының кітапханашылары, жоғары оқу орындарының тарих факультеттерінің студенттері қатысты.
|