20 сәуір сағ. 11.00-де Қазақстан Республикасының Ұлттық кітапханасында «Ж.Тәшеневтің азаматтық ерлігі және қазіргі патриоттық тәрбие» атты республикалық ғылыми-практикалық конференция материалдарының жинағының тұсаукесер рәсімі өтті.
Іс-шараны Ш.Уәлиханов атындағы Тарих және этнология институтының директоры, тарих ғылымдарының докторы, профессор Әбжанов Хангелді Махмұтұлы жүргізді.
Тұсаукесерде академик Аманжол Қошанов, Ұлы Отан соғысының ардагері, қоғам қайраткері Сатыбылды Тотанов, Ж.Тәшенев туралы кітап жазған жазушы Кәрішал Асан Ата, белгілі журналист Мейрам Байғазин және т.б.қоғам қайраткерлері Жұмабек Тәшеневтің өмірі мен қызметіне жан-жақты тоқталып, өз пікірлерін білдірді.
Шараға белгілі ғалымдар, мемлекет және қоғам қайраткерлері, Ж.Тәшеневтің жанұясы, Алматы қаласының кітапханашылары қатысты.
Іс-шара барысында ҚР Ұлттық кітапханасына, Алматы қаласының кітапханаларына және келген қонақтарға жаңа кітап сыйға тартылды.
|