14 мамыр сағ. 17.00-де ҚР Ұлттық кітапханасының көрме залында 1906 жылы Санкт-Петербург қаласында жарық көрген Михаил Терентьевтің (1837-1909гг.) «История завоевания Средней Азии с картами и планами» үштомдық кітабының факсимильдік басылымының тұсаукесер рәсімі өтті.
Алғашқы сөзді ҚР Ұлттық кітапханасының Бас директоры Балабекова Гулиса Қабарқызы бастап, басылымның авторы Михаил Терентьев және оның еңбегі туралы қысқаша мәлімет берді.
Іс шараны белгілі жазушы, қоғам қайраткері Елубай Смағұл Абатұлы жүргізді. Шараға Алматы қаласының әкімінің орынбасары Серік Сейдуманов қатысты.
Тұсаукесерде продюсер, кинорежиссер Сергей Әзімов, ҚР Еңбек сіңірген өнеркәсіп қызметкері, инженер-геолог, мұнайшы, басылымның демеушісі Балтабек Қуандықов, академик, тарих ғылымдарының докторы Болат Көмеков, халықаралық ақпараттандыру академигі, филология ғылымдарының докторы, профессор Аслан Жақсылықов, «Азат» ЖСДП-ның бас хатшысы Әміржан Қосанов, экономика ғылымдарының кандидаты Мұхтар Тайжан, «CENTRAL ASIA MONITOR» газетінің бас редакторы Бигелді Ғабдуллин, Ұлттық кітапхананың сирек кітаптар мен қолжазбалар қорының қызмет жетекшісі Набат Асқарбекова және кітапхана оқырманы, журналист Тынышбай Дайрабай және т.б. ғалымдар мен тарихшылар М.Терентьевтің еңбегінінің тағылымды мән-маңызына жан-жақты тоқталып, өз пікірлерін білдірді. Бұл басылымның шығуы енді Ұлттық кітапхананың көпшілік оқырман қауымына кітаптың қолжетімді болуына мүмкіндік тұғызды.
Іс-шараға белгілі ғалымдар, ғылыми-зерттеу институттары мен тарихи мұражайдың басшылары, жазушылар, Алматы қаласының кітапханашылары мен оқырмандары қатысты.
|