4 маусым сағ. 11.00-де Қазақстан Республикасының Ұлттық кітапханасында Қазақстан Республикасының мемлекеттік рәміздерінің 20 жылдығына орай «Мемлекет нышандары – тәуелсіздік тұмары» атты кең ауқымды кітап көрмесінің салтанатты ашылуы  өтті.

   Көрменің ашылу салтанатына "Ақ Орда" Республикалық қозғалысының Төраға орынбасары, "Нұр Отан" партия хатшысының кеңесшісі Мұсағұ­лов Қанат Жанатұлы, Ш.Уәлиханов атындағы Тарих және этнология институты­ның директоры, тарих ғылымдарының докторы, профессор Әбжанов Хангелді Махмұтұлы, танымал ақын, халықаралық «Алаш» әдеби сыйлығының лауреаты, «Ерен еңбегі үшін», «Тәуелсіздіктің" 10 жылы» медальдарының иегері, Мұқағали атындағы сыйлықтың иегері Асқар Оразақын, ақын, «Дарын» мемлекеттiк жастар сыйлығының, «Алаш» әдеби сыйлығының иегерi Райымбекұлы Маралтай сөз сөйлеп, ақындар  мемлекетіміздің рәміздеріне арнаған өз өлеңдерін оқыды.

    Қазақстанның әнұраны орындалып, «Мемлекет нышандары – тәуелсіздік тұмары» атты кітап көрмесі оқырмандар назарына  ұсынылды.

    Іс-шараға тарихшылар, Алматы қаласының кітапханашылары және кітапхана оқырмандары қатысты.

    Кітап  көрмесін көруге шақырамыз!