Қазақстан Республикасы Ұлттық кітапханасының көрме залында 31 мамыр - Саяси қу­ғын сүргін құрбандарын еске алу күніне орай «Азалы тарихқа айрықша тағзым» атты кітап көрмесі ашылды.

    Қазақстанда 1997 жыл­дан бері жыл сайын  31 мамырда ҚР Президентінің Жарлығымен Саяси қуғын-сүргін құрбан­да­рын еске алу күні аталып келеді. Биыл жаппай саяси қуғын-сүргін жылдарының  басталғанына – 75 жыл, Ұлы жұт (ашаршылық) зұлматына  - 80 жыл  толып отыр.

    Тәуелсіз Қазақстанның әрбір азаматы үшін cаяси қуғын-сүргін құрбан­да­рын еске алу және есте сақтау қасиетті парыз. Бұрынғы ГУЛАГ, КАРЛАГ, АЛЖИР лагерьлерінің орындарында мемориалдық кешендер жұмыс істеуде, саяси қуғын-сүргін құрбандарын еске алу мұражайлары облыстарда ашылуда. Осының бәрі бізге, өткеннің ауыр сабақтарын сараптай отырып, адамзаттың бүгінгі және болашақтағы тарихында осындай зұлматты болдырмауды міндеттейді.

    Көрмеге ҚР Ұлттық кітапханасының қорынан саяси қуғын-сүргін құрбандары туралы орыс, қазақ тілдерінде  басылымдар ұсынылған.

     Кітап көрмесін көруге шақырамыз!

     Байланыс тел.: 267-28-66