Қазақстан Республикасының Ұлттық кітапханасына Түркия Республикасының Қазақстандағы Елшілігінің мәдениет және ақпарат жөніндегі атташесі  Нилгюн Кылычарслан ресми сапармен келді.

   Сапардың мақсаты - Қазақстан Республикасы Ұлттық кітапханасының қызметімен, кітапханадағы шет елдердің, соның ішінде Түркия елінің мәдени бұрыштарымен танысу.

   Кездесуде ҚР Ұлттық кітапханасының бас директоры Г.Қ.Балабекова және Түркия Республикасы елшілігінің Мәдениет және ақпарат жөніндегі атташесі  Нилгюн Кылычарслан өзара ынтымақтастықты дамыту, бірлескен іс-шараларды, қазақ және түрік жазушыларымен кездесулерді  жоспарлау және өткізу, қорды Түркияның заманауи жаңа әдебиеттерімен толықтыру және ақпараттық ресурстарға қолжетімділікті қамтамасыз ету  мәселелері талқыланды.