28 маусымда сағ.11.00-де ҚР Ұлттық кітапханасында Алматы қаласы және Алматы облысы кітапханалары өкілдеріне арналған «Қазақстан кітапханаларының жиынтық электронды каталогының» тұсаукесері өтті.

   Шара барысында Қазақстандық корпоративтік каталогтандыру Орталығының (ҚККО) дамуы мен жұмысының негізгі бағыттары баяндалып, Ұлттық кітапхананың кітапханалық-ақпараттық ресурстарын пайдалану мүмкіншіліктері, ЛИБНЕТ (Ресей) Ұлттық ақпараттық-кітапханалық орталығының және корпоративтік каталогизация жанындағы WorldCat OCLC (АҚШ) каталогының библиографиялық жазбаларын алып пайдаланылуы көрсетілді.

   Шараға қатысушыларға он-лайн тәртібінде қазіргі заманғы қазақстандық әдебиет қорына ашық қолжеткізуге мүмкіндік беретін  «Қазақстанның қазіргі заманғы әдебиеті» Электронды кітапханасы көрсетілді.

  Барлық қатысушылар Қазақстан кітапханаларының жиынтық электронды каталогын қалыптастыруда серіктестік қарым-қатынас орнатуға қызығушылықтарын білдірді.