Ү.ж. 8 тамызда Қазақстан Республикасының Ұлттық кітапханасына белгілі мемлекет және қоғам қайраткері, «Парасат», «Құрмет», «Барыс» ордендерінің иегері, филология ғылымдарының докторы, профессор, жазушы, Қорқыт Ата мұраларын ғылыми-зерттеу орталығының төрағасы Мырзатай Жолдасбеков келді.
М. Жолдасбеков «Астана - түркі әлемінің мәдени астанасы» атты кітап көрмесімен танысып өтті.
М. Жолдасбеков ҚР Ұлттық кітапхана қорына «Күлтегін» баспасынан жарық көрген 7-томдық басылымды сыйға тартты. «Асыл арналар», «Тәуелсіздік тағылымы», «Кісілік кітабы», «Асылдарым», «Күндерімнің куәсі» (1-2 кітап), «Шіркін, дәурен», «Мың жылдық жолаушы», атты 8 кітаптан тұратын басылымда автордың зерттеулері, мақалалары, сұхбаттары, эсселері, тебіреністері, ойлары, әндері, сценарийлері мен М. Жолдасбеков еңбектерінің «Өткен күнде белгі бар» атты библиографиялық көрсеткіші енгізілген. Сондай-ақ, М.Жолдасбеков өзі жазған және оған арнаған өлеңдер жинақталған «Дүние-шіркін» атты СD-ROM-ды сыйға берді.
|