2012 жылы 2 қазан сағ.11.00-де  Көрмелер залында «Нұр Отан» ХДП қоғамдық бірлестігінің Алматы қалалық филиалының ұйымдастыруымен саяси ғылымдарының кандидаты Олжас Қаптағаев­тың «Миротворческая внешняя политика Республики Казахстан в начале 21 века: политологический анализ» атты кітабының тұсаукесері рәсімі өтті.

  Ұйымдастырушылар: Қазақстан Республикасының Ұлттық кітапханасы, «Нұр Отан» Халықтық Демократиялық партиясы қоғамдық бірлестігінің Алматы қалалық филиалы.

   Іс-шараны «Нұр-Отан» Халықтық демократиялық партиясының Алматы қалалық фи­лиалы төрағасының бірінші орынбасары Кенжехан Матыжанов жүргізді.

   Тұсаукесерде ҚР ҰҒА академигі, философия ғылымдары­ның докторы, профессор Ә.Нысанбаев, саясаттанушы Ғ.Әзімбай және т.б. «Нұр Отан» ХДП Алматы қалалық филиалының мүшелері ұлттық қауіпсіздікке байланысты көптеген өзекті мәселелер тақырыбында жан-жақты тоқтал­ып, кітап туралы өз пікірлерін  білдірді.

   Тұсаукесерге белгілі ғалымдар мен саясаттанушылар, республикалық бұқаралық ақпарат құрал­дарының басшылары, Алматы қаласының кітапханашы­лары мен оқырмандары қатысты.

  Шара аясында ҚР Ұлттық кітапханасына, Алматы қаласының кітапханаларына және қонақтарға жаңа басылым сыйға тартылды.