2012 жылы 29 қазанда ҚР Ұлттық кітапханасы Абай атындағы Қазақ Мемлекеттік академиялық опера және балет театрында қазақтың музыкалық өнерінің, ұлттық биінің негізін қалаушы, алғашқы драмалық актриса, Қазақ КСР-нің халық әртісі, Қазақ КСР-нің еңбек сіңірген әртісі, ұстаз Шара Жиенқұлованың 100 жылдығына арналған еске алу кеш аясында «Қазақ биінің падишасы» атты көшпелі кітап көрмесін ұйымдастырды.
Көрмеде ҚР Ұлттық кітапханасы қорынан Шара Жиенқұлованың шығармашылығына арналған 100-ден аса кітаптар мен басылымдар ұсынылған. Би өнерінің падишасы атанып, есімі аңызға айналған қазақ қызының өмірі мен өнері оның өзі жазған «Өмірім менің - өнерім» және «Би құпиясы» атты қос кітапта терең де жан-жақты баяндалады.
|