ҚР Ұлттық кітапханасының фойесінде Қазақстан Республикасының Тәуелсіздік күніне орай «Жасай бер, тәуелсіз Қазақстан» атты безендірілген кітап көрмесі ұйымдастырылды.
Көрмеге Ұлттық кітапхана қорынан қазақ, орыс және шет тілдердегі 1500-ден астам басылым қойылып отыр.
Көрме «Нұрсұлтан Назарбаев – Қазақстан Республикасының Тұңғыш Президенті», «Астана – Отанымыздың жүрегі», «Менің Қазақстаным» атты кең ауқымды 3 бөлімнен тұрады.
«Нұрсұлтан Назарбаев – Қазақстан Республикасының Тұңғыш Президенті» атты бөлімде Елбасының кітаптары, баяндамалары мен сөздері, жолдаулары мен үндеулері, сұхбаттары мен мақалалары, құттықтаулары бар. Олардың ішінде әр жылдары жарық көрген «Әділеттің ақ жолы», «Тәуелсіздігімізге бес жыл», «Ғасырлар тоғысында», «Тарих толқынында», «Еуразия жүрегінде», «Қазақстан жолы», «Сындарлы он жыл» және т.б. кітаптары қойылған.
«Астана – Отанымыздың жүрегі» бөлімінде жаңа астанамыздың өткені, бүгіні мен болашағы, тәуелсіздіктің символы ретінде дамып, өркендеуі туралы әдебиеттер ұсынылған.
«Менің Қазақстаным» бөлімі егемен Қазақстанға арналған. Ұсынылған құжаттар тәуелсіз мемлекетіміздің қысқа мерзім ішінде жүріп өткен жолын, тарихи оқиғаларды суреттейді. Бөлім құжаттарының ішінде – энциклопедиялар, альбомдар, кітаптар бар. |
