2012 жылы 14 желтоқсан сағ. 14.00 ҚР Ұлттық кітапхананың Көрмелер залында мемлекет қайраткері, Алашорданың Батыс бөлімшесінің төрағасы, кәсіби заңгер, аудармашы Жанша (Жаһанша) Досмұхамедовтың туғанына 125 жыл толуына орай ғылыми-тәжірибелік конференция өтті.
Ұйымдастырушылар: Алматы қ. әкімдігі, ҚР Ұлттық кітапханасы, Ж.Досмұхамедов атындағы «Қайраткер» Қоғамдық қоры, Ш.Уәлиханов атындағы Тарих және этнология институты, әл-Фараби атындағы Қазақ Ұлттық университеті.
Іс-шараны Ш.Уәлиханов атындағы Тарих және этнология институтының директоры, тарих ғылымдарының докторы, профессор Әбжанов Хангелді Махмұтұлы жүргізді.
Конференцияда академик, белгілі ғалым Сартаев Сұлтан Сартайұлы, әл-Фараби атындағы Қазақ Ұлттық университетінің профессоры, заң ғылымдарының докторы, Ж.Досмұхамедов мұрасын зерттеуші Забих Шолпан Арапбайқызы, тарих ғылымдарының докторы, Ш.Уәлиханов атындағы Тарих және этнология институтының директорының орынбасары Смағұлова Светлана Одепқызы, тарих ғылымдарының кандидаты, «Центр-Азии» журналының бас редакторы, ҚР Тұңғыш Президенті қорының саяси және әлем экономика институтының директоры (Х.Досмухамедованың жиені) Әкімбек Сұлтан Мағрұпұлы, ҚР Саяси құғын-сүргін құрбандары қауымдастығының төрағасы, «Абай» Халықаралық қорының директоры Ашуев Жұмабек, Ж.Досмухамедов атындағы «Қайраткер» қоғамдық қорының жетекшісі Мәмбетов Бахтығали Есімхайырұлы сөз сөйлеп, Ж.Досмұхамедовтың ғылыми, саяси және қоғамдық өмірі туралы кеңінен баяндады.
Іс-шара барысында «Азаттық құрбаны» атты Ж.Досмұхамедов туралы деректі кинофильм көрсетілді.
Конференция аясында Ұлттық кітапхана қорынан, тарихи тұлғаның өмірі мен қызметіне арналған «Алаштың ардақты қайраткері» атты безендірілген кітап көрмесі ұйымдастырылды. Көрмеде Ж.Досмұхамедовтың әр жылдары жарық көрген сирек басылымдары, алаш қозғалысы, оның қайраткерлері туралы әдебиеттер мен мұрағат қорынан алынған материалдар ұсынылған.
Конференцияға белгілі қоғам қайраткерлері, әдеби-шығармашылық ұйымдар, Алматы қаласының кітапханашылары, оқырмандар, ҚР Ішкі істер министрлігі академиясының және Алматы қ. жоғары оқу орындарының студенттері, БАҚ өкілдері қатысты.
|