2013 жылы 12 ақпанда Ұлттық кітапхананың Көрме залында елдегі барлық партиялар, ұлттық компаниялар, қоғамдық ұйымдар, отандық және шетелдік ғалымдар дайындаған «Медиатехауыл» және Адам капиталын дамыту бағдарламасы - жол картасының тұсаукесеріне арналған ғылыми-тәжірибелік конференциясы өткізілді.

      Ұйымдастырушылар: ҚР Ұлттық кітапханасы, «Халықаралық адам институты»  ЖШС.

   Конференцияға қатысушылар ауыл-селоның экономикасын көтеру мен шетелдік және отандық ғалымдардың қатысуымен «Қазақстандағы адам капиталын дамыту механизмдерін дайындау» бағдарламасының – жол картасын жан-жақты талқылап, ұсыныстар енгізді.

   Іс-шараны Халықаралық адам институтының президенті, биология ғылымдарының кандидаты, Еуропа жаратылыстану ғылымдары Академиясының мүшесі Ж.М. Әкім ашып, сөз сөйледі. Жобаны енгізу  мәселелер жөнінде академик  Н.К.Надиров,  «Қазақ тілі» Халықаралық қорының президенті,  академик Ө.А.Айтбаев,  филология ғылымдарының кандидаты, Қазақстан халқы  Ассамблеясының мүшесі  А.А.Осман,  тарих ғылымдарының докторы К.Атабаев және т.б. пікірлерімен бөлісіп, сөз сөйледі.

   Іс-шараға ҚР Президенті жанындағы стратегиялық зерттеу институтының басшылары, Қазақстан халқы Ассамблеясының мүшелері,  университет ректорлары мен ғылыми зерттеу институттарының басшылары, ЖОО, банкирлер және кәсіпкерлер қауымдастығы төрағалары, депутаттар, компаниялардың басшылары, ғалымдар, қоғам қайраткерлері мен қоғамдық ұйымдардың өкілдері, университет студенттері, БАҚ құралдары мен ҚР Ұлттық кітапханасының оқырмандары қатысты.