ҚР Ұлттық кітапханасының Сирек кездесетін кітаптар мен қолжазбалар қызметінің оқырман залында «Қазақ» газетіне 100 жыл» атты көрме ұйымдастырылды. Көрмеге «Қазақ» газетінің түпнұсқалары қойылды.

    «Қазақ» – қоғамдық-саяси және әдеби газет. 1913 жылы 2 ақпаннан бастап 1918 жылдың наурыз айына дейін Орынбор қаласында шығып тұрған. Газет сол кездегі ең жоғары тираж - 3000 данамен таратылған. Газетті шығаруға қоғам қайраткерлері, талантты қазақ журналистері мен жазушылары – А.Байтұрсынов (бас редактор), Ә.Бөкейханов, М.Дулатов, Ж.Аймауытов, Х.Досмұхамедов, М.Жұмабаев және т.б. ат салысқан.

    Бұл газет қазақ халқының ұлттық сана-сезімінің қалыптасуы мен нығаюына айтарлықтай үлес қосты, сол кездің көкейтесті мәселелерін көтерді, ағартушылық идеяларды насихаттады.