2013 жылы 26 ақпанда сағ. 11.00-де Қазақстан Республикасы Ұлттық кітапханасында мұрағаттық ақпарат және баспа құжаттарын сақтаудың жаңа технологияларының тұсаукесері өтті.
Тұсаукесерде ЖШС «Rekom Shelves Mobili» компаниясының заманауи жоғары технологиялық кітапханалық және мұрағаттық жабдықтардың (жылжымалы және стационарлы сөрелер) өнімдері, кітапханалар, мұрағат, мұражай қорларын сақтауға арналған стандарттық сапа талаптарына сай мобильді жүйелері ұсынылды. «Rekom Shelves Mobili» компаниясының коммерциялық директоры Ізбасарова Индира KARDEX динамикалы сақтау және іздеудің автоматтандырылған жүйесі: тік-жеделсаты, электрлі файлдық және т.б. туралы жан-жақты айтып берді. Жүйелер қор сақтауға арналған кеңістікті жаңаша пайдалануды, орналастыру тығыздығын, қауіпсіздік пен қорғаудың жоғары деңгейін, сонымен қатар автоматтандыру мен жарықтық индикация технологияларын қамтамасыз етеді.
Шараға кітапхана, кітап сақтау және мұрағат қызметкерлері қатысты.
|