ҚР Ұлттық кітапханасының Диссертациялар бөлімінде «Қазақстандағы тіл білімі және әдебиеттануды дамытудың заманауи аспектілері» тақырыбына кітап көрмесі ұйымдастырылды.
Көрмеде «Филология ғылымдары» мамандығы және қазіргі қазақ тіл білімінің жетістіктерін, зерттеу әдістерін, сонымен бірге тіл білімі - этнолингвистиканың, танымдық лингвистиканың, паралингвистиканың және прагмалингвистиканың жаңа бағыттары бойынша қазақстандық ғалымдармен соңғы 5 жылда қорғалған диссертациялар ұсынылған.
Соңғы онжылдықта лингвистика және мәдениеттанудың тоғысуы барысында – лингвомәдениеттану ғылымы пайда болды. Лингвомәдениеттану – қалыптасу сатысындағы жас ғылым. Қазіргі таңда бөлімнің қорында лингвомәдениеттанулық жұмыстар саны өсуде.
Сіздердің назарларыңызға белгілі қазақстандық ғалымдардың құнды еңбектері ұсынылды.
Көрме тіл білімі, әдебиеттану саласын зерттеушілерге, магистранттарға және докторанттарға арналған.
Көрмеге шақырамыз! |