«Қазақстан кітаптары» бөлімінде Қазақстан халқы Ассамблеясының Депозитарийі аясында Қазақстан халқының бірлігі күніне арналған «Туған жердей тұғырым» атты кітап көрмесі ұйымдастырылды.

   Қазақстан халқының бірлігі  мерекесі - 1996 жылдан бастап жыл сайын 1 мамырда мерекеленетін мемлекеттік мереке. Қазақстан халқының бірлігі мерекесі бейбітшілік пен келісімнің символы болып табылады. Ұлтаралық және дінаралық келісімді сақтау - мемлекеттік саясаттың басты бағыттарының бірі.

   Қазақстан - көпұлттық мемлекет. Республикада жүз елуден астам ұлттар мен ұлыстар тұрады. 1 мамырда Қазақстанның әрбір қаласында бұл мейрамды мерекелік шаралармен бүкіл халық атап өтеді. Ұлттық мәдени орталықтар әртүрлі этностардың салт-дәстүрлерімен таныстырады. Сахналық қойылымдар, мерекелік концерттер, фестивальдар,  демонстрациялар бұл мерекені барлық Қазақстан халқы үшін ең жарқын және сүйікті мерекеге айналдырды.

   Көрмеде ҚР Ұлттық кітапханасы мен Алматы қаласының Қазақстан халқы Ассамблеясының қорларынан алынған, біздің мемлекетіміздегі әртүрлі ұлттардың тарихы мен қазіргі өмірі, рухани мәдениеті, салт-дәстүрі және өнерінің дамуы туралы материалдар ұсынылған.

   Кітап көрмесіне шақырамыз!