2013 жылы 29 мамырда ҚР Ұлттық кітапханасы Орталық мемлекеттік ғылыми-техникалық құжаттама мұрағатында биология ғылымдарының докторы, профессор, Қазақстан Жазушылар одағының мүшесі, Ұлы Отан соғысына қатысушы П.И.Мариковскийдің 100 жылдығына арналған дөңгелек үстел мен «Истоки жизни» кітабының тұсаукесері аясында көшпелі көркемделген кітап көрмесін ұйымдастырды.

   Көрмеде П.И.Мариковскийдің көптеген еңбектері,  ғылыми-көпшілік басылымдары мен көркем шығармалары: «Маленькие труженики леса», «Юному энтомологу», «Черная вдова», «Там откуда ушли реки», «Загадки остались», «Насекомые вокруг нас», «Великий парламент инстинктов», «В плену инстинктов» және т.б., сонымен қатар ғалымның өмірі мен шығармашылығы туралы әдебиеттер ұсынылды.

   Іс-шараға қаламыздың қоғам және ғылым саласының өкілдері: биологтар, археологтар, тарихшылар, мұрағатшылар, өнертанушылар, кітапханалар қызметкерлері қатысты.