«Қазақстан кітаптары» бөлімінің оқу залында Қазақстан Республикасының Конституция күніне арналған «Конституция – елдік қуатымыздың қайнары» атты безендірілген кітап көрмесі ұйымдастырылды.

   Қазақстан Республикасының Конституциясы – мемлекеттік және қоғамдық қатынастарды, азаматтық және адам міндеттерін, бостандығы, негізгі құқығы,  сондай-ақ жергілікті өзін өзі басқару органдары қызметі мен ұйымдастыру принциптерін реттеуші және бекітуші, барлық заң салаларының заңдық негізі болып табылатын, жоғары құқықтық күшке ие мемлекет пен қоғамның негізгі заңы. Конституция барлық құқықтық жүйенің өзегі болып табылады.

   Кітап көрмесінде Қазақстанның құқықтық демократиялық мемлекет ретінде қалыптасуы, мемлекет тарихы мен құқығы туралы, «Жеті жарғы» заң жинақтары, «Мәдени мұра» Мемлекеттік бағдарламасы аясында жарияланған басылымдар, Конституцияның рөлі мен маңызы жайлы ғылыми конференциялар материалдары және т.б. ұсынылған. 

   Кітап көрмесіне шақырамыз!