2013 жылы 18 қыркүйек, сағ. 9.30-да Көрмелер залында Чунцин кітапханасының (ҚХР)  «Чунцин әлемін ашу» кітап сыйлау акциясы өтті. Акция Қытай елшілігінің қолдауымен  Қазақстан бойынша «Қытайды түйсіну. Жаңа Жібек жолымен жүріп өту. Чунцин-Синзянь-Европа жолдарымен саяхат» мәдени іс-шаралар топтамасы аясында өтті.

   Салтанатты ашылуда Қазақстан Республикасы Ұлттық кітапханасы Бас  директорының бірінші орынбасары Оспанова  Бақытжамал Каирбекқызы және Чунцин кітапханасы директорының орынбасары Джан Бо құттықтау сөз сөйледі.
   Іс-шара аясында Ұлттық кітапханасының қорына  300-ден астам анықтамалық-энциклопедиялық басылымдар, сөздіктер, қытай тілін оқып-үйрену бойынша оқулықтар, Қытай мәдениеті, табиғаты және т.б. танымдық бағыттағы әдебиеттер  сыйға тартылды.
   Акция барысында Чунцин қаласы туралы танымдық  фильм көрсетілді.
   Іс-шараға  Алматы қаласындағы ҚХР Бас Елшілігінің мәдениет жөнін-дегі атташесі Гао Чэнь, Чунцин қаласы әкімшілігінің және Чунцин  кітапханасының өкілдері, ғалымдар, студенттер, БАҚ өкілдері, Ұлттық кітапханасының қызметкерлері мен оқырмандары қатысты.