2013 жылы 30 қазан, сағ. 15.00-де Көрмелер залында ҚР Ұлттық мемлекеттік Кітап палатасы дайындаған «Міндетті дана туралы» Заң жобасын талқылау өтті.

   Жобаның негізгі ережелерін талқылауға ҚР Ұлттық кітапханасының Бас директоры Г.К. Балабекова, Ұлттық мемлекеттік Кітап палатасының директоры Ж.Т. Сейдуманов, ҚР Орталық мемлекеттік киноқұжаттар және дыбыс жазбалар мұрағатының директоры А.Ф. Сейітова, ҚР Ұлттық ғылыми-техникалық ақпараттар орталығы және Республикалық зағип және нашар көретін азаматтарға арналған кітапханасының өкілдері қатысты.
   «Міндетті дана туралы» Заң жобасы Қазақстан аумағында шығарылған құжаттардың барлық түрін жинақтау, сақтау, есепке алу және қолжетімділігінің ресурстық қоры ретінде құжаттардың міндетті данасын қалыптастыру саласында мемлекеттің саясатын айқындауға бағытталған.
   Заң жобасы құжаттардың міндетті данасын жинақтау қағидалары мен тәртібін анықтайды, олардың түрлерін бекітеді, жеткізу жолдарын, кітап өндірушілер мен алушылар категорияларын қарастырады.