2013 жылы 19 қарашада Қазақстан Республикасы Ұлттық кітапханасына Қазақстан Республикасындағы Пәкістан Елшілігінің Әскери Атташесі, бригадалық генералы Шахид Джавад Хан жұмыс сапарымен келді.
Кездесу барысында кітапхана бойынша шолу экскурсиясы ұйымдастырылып, Әскери Атташе ҚР Ұлттық кітапханасының, Пәкістан кітап бұрышының, сирек кездесетін кітаптар мен қолжазбалар қорының раритеттерімен, бөлімдерде ұйымдастырылған тақырыптық кітап көрмелерімен, Сандық тенологиялар қызметінің жұмысымен танысты. Сапар барысында ынтымақтастықтың мәдени-гуманитарлық саласы, Пәкістан кітап бұрышы қызметінің даму мәселелері талқыланды. Екі мемлекеттің кітапханалық байланыстарын нығайтуға және дамытуға бағытталған бірлескен іс-шараларды ұйымдастыру ұсыныстары қарастырылды. Шахид Джавад Хан ҚР Ұлттық кітапханасының қызметіндегі инновациялық тәсілдерді, оқырмандарға қызмет көрсетуді, кітап топтамаларының бай қорын және кітапхана ұжымының тәртіптелген қызметін ерекше атап өтті.
|